अय्युब चा संयम

💞💞अय्युब चा संयम 💞💞
दीर्घकाळाच्या आणि वेदनादायक आजाराने अय्युबला अशक्त आणि अवतीभोवती फिरण्यास असमर्थ बनविले होते. तो वर्षांपासून एक असहाय्य आजारी बनून राहिला होता. त्याच्या जागी दुसरा व्यक्ती असता तर, त्याचे धैर्य खचले असते आणि अल्लाहची निष्ठा हरवली असती आणि वेदनेने तो ओरडला असता. त्याने अल्लाहला असे दुःख आणि अस्वस्थता देण्याविषयी, ज्यात त्याचा स्वतःचा काही दोष नाही, तक्रार केली असती. पण अय्युबने संयमानेे आणि अल्लाहच्या निष्ठेत कणखर राहून त्रास सहन केला. त्याने त्याच्या दुःखाविषयी कधीही तक्रार केली नाही.
लोकांनी त्याला भेटण्यास येणे बंद केले आणि त्याला मरण्यासाठी सोडून दिले. फक्त त्याच्या पत्नीने त्याची सेवा केली आणि त्याला प्रवृत्त केले.आणि एकदा तीही एका क्षणासाठी खूप त्रासाने आणि खिन्नतेने, असंयमित झाली आणि तिने अल्लाहला तक्रार केली. यामुळे अय्युब खूप दुखवला. तो, ज्याने , ज्याने एक शब्द ही न उच्चारता, इतक्या दिवसापासून इतका जास्त त्रास सहन केला होता, अल्लाहचे आभार न मानण्याची वृत्ती सहन करू शकला नाही. त्याने, तो जेव्हा बरे होईल, तेव्हा त्याच्या पत्नीला शंभर वेळा मारण्याची शपथ (वचन) घेतली.तो हे कदाचित अशामुळे ही बोलला असेल, कारण तो इतका त्यावेळी असहाय्य होता की, तो किंचाळू शकत नव्हता. त्याचा राग कोणत्याही तऱ्हेने व्यक्त करू शकत नव्हता.
एक पूर्ण असहाय्यतेच्या दशेत, अय्युबने अल्लाहला प्रार्थना केली, की त्याच्यावर दया होवू दे आणि या वेदनेतून त्याची सुटका कर. अल्लाहने त्याची प्रार्थना ऐकली आणि त्याच्यावर कृपा केली. अल्लाहने आदेश दिला की, जेथे तो झोपलेला आहे, तेथे त्याचा पाय जमिनीवर आपट. अय्युबने आदेश पाळला आणि जेव्हा त्याने असे केले, ताजे पाणी तेथपासून उसळून वाहू लागले.अल्लाहने त्याला म्हंटले की, पाणी पी आणि त्यात स्नान कर. एक वेल त्यात वाढला आणि जेथे तो आराम करत होता तेथे त्याला सावली दिली.
अय्युब अल्लाहच्या कृपेने बरा झाला, पण जेव्हा त्याला आठवले की, त्याने बरे झाल्यानंतर, त्याच्या पत्नीला मारण्याची शपथ घेतली होती, तो अस्वस्थ आणि दुःखी झाला. एकीकडे त्याने अल्लाहचे नाव घेऊन केलेले वचन होते आणि दुसरीकडे त्याची पत्नी होती, जिला तो प्रेम करत होता. तो त्याचे वचन तोडू शकत नव्हता, पण त्याच्या पत्नीला मारहाण करण्याचा विचार त्याला नाखूष करत होता.या अवघड प्रसंगातून बाहेर येण्यासाठी अल्लाहने त्याच्या सद्गुणी संदेशवाहकाची मदत केली.त्याने आज्ञा केली की शंभर गवताच्या काड्या जमा कर आणि त्याने त्याच्या पत्नीला एकदाच मार. अशाप्रकारे तो त्याचे वचन ठेऊ शकला आणि त्याच्या पत्नीला वेदना झाली नाही.
अल्लाहने त्याच्या कृपेने अय्युबला बरे केले, त्याच्या कुटुंब आणि मित्रांसोबत त्याला एकत्र केले आणि त्याला पुष्कळ संपत्ती आणि सुख दिले.
अय्युबच्या प्रार्थनेने खूप व्यक्तींना समाधान मिळते, जेव्हा तो निराशेच्या काळात ती प्रार्थना करतो.
#अय्युबचाकुराणसंदर्भ #इस्लाम #मुस्लिम #मुसलमन #कुराण #एकेश्वर #ईश्वर

#कुराणसत्यकथा

---